蜜月大比拼【馬爾代夫v.s.斐濟】活動篇


馬爾代夫同斐濟都係島國但你千祈唔好以為玩嘅野都係一樣。

既然去得島國渡蜜月當然要講下水上/水中活動。如果你入住馬爾代夫同斐濟位於外島嘅渡假酒店,水上活動主要由酒店提供。喺預訂酒店時可以留意價錢係咪已包括所有

非機動水上運動(Non-motorized water sports),呢啲活動包括浮潛、划艇、沖浪等。相對刺激嘅機動水上運動例如:滑水、Flying Board、滑翔傘等就通常都要另外收費,最緊要留意酒店有無提供你想玩嘅活動同價錢。如果你入住主島酒店就要留意附近碼頭嘅位置同水上活動公司嘅口碑。


水上運動其實就大同小異, 但落到水底兩個地方就大有不同。馬爾代夫嘅水道比斐濟多,吸引更多大型物種如:鯊魚、魔鬼魚。差唔多每日都有tour帶你同鯊魚、魔鬼魚游水。馬爾代夫水底相對清澈但珊瑚礁開始有白化啱現象。斐濟水底清澈度雖然不及馬爾代夫但亦都因為微生物充裕造就了七彩嘅軟珊瑚吸引大量魚群聚居。



非水上/水中活動

馬爾代夫嘅活動都集中在首都馬累,當中星期五清真寺(Hukuru Miskiy)是數百年前以珊瑚石打造嘅建築。其他景點包括:蘇丹宮(Mulee Aa ge),馬爾代夫國家博物館(National Museum)等。由於當地是奉行伊斯蘭教去呢啲景點記得注意番衣著。

斐濟嘅陸上景點就更多元化,除咗具歷史價值啱宗教建築如色彩鮮艷啱印度寺Sri Siva Subramaniya Temple及Krishna Kaliya Temple,仲有二戰時期相關嘅歷史公園Momi Bay Battery Historic Park。想更了解當地原住民嘅文化,斐濟民族村更加係必去景點之一。



總結:

馬爾代夫主要嘅活動範圍都是外島酒店及周邊水域,如果你想去指定地點潛水或想玩指定活動就要揀啱酒店。 斐濟嘅陸上活動集中在主島,距離遊客區都係30分鐘車程以內,如果唔想日日留係外島嘅情侶就有多啲活動嘅選擇。


#馬爾代夫 #Maldives #斐濟 #Fiji #Honeymoon #蜜月

0 views

Member of:

Expert on:

©2019 by Travel Master Company Limited